Logo

Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu
ad ad ad ad

Breaking News

Published Posted on by | By TZTA News
Warning: getimagesize(): http:// wrapper is disabled in the server configuration by allow_url_fopen=0 in /hermes/bosnaweb08a/b1516/nf.tzta/public_html/wp-content/themes/tzta/content-single.php on line 46 Warning: getimagesize(http://www.tzta.ca/wp-content/uploads/2013/09/Gelays-picture-e1378075024562.jpg): failed to open stream: no suitable wrapper could be found in /hermes/bosnaweb08a/b1516/nf.tzta/public_html/wp-content/themes/tzta/content-single.php on line 46


አቶ ነጋዬ ሺበሺ ከአባታቸው ከአቶ ሺበሺ ኃይሌና ከእናታቻው ከወ/ሮ ደመረች ኃብተማርያም እንደ አውሮፓውያን ዘመን አቆጣጠር በ1962 ዓ.ም በአዲስ አበባ ከተማ ተወለዱ ዕድሜያቸው ለትምህርት ሲደርስ ከአንደኛ እስክ ስምንተኛ ክፍል ድረስ በብርሃነ ህይወት ትምህርት ቤት ፣ በአዲስ ከተማ አጠቃላይ ሁለተኛ ደረጃ ደግሞ የሁለተኛ ደረጃ ትምህርታቸውን አጠናቀዋል::

አቶ ነጋዬ ሺበሺ በለጋ ዕድሜያቸው ከውድ ሃገራቸው ኢትዮጵያ ወጥተው በስደት ከ1983 ዓ.ም እስከ 1991 ዓ.ም በየመን ሰንዓ ኖረዋል:: በዚህም የስደት ጊዜ በፋርምሲ ሙያ ለሶስት ዓመታት ስልጠናና ትምህርታቸውን ተከታትለዋል: በየመን ሰንዓ ቆይታቸውም በስደት የሚኖሩ የኢትዮጵያውያን ማህበርን በማቋቋም ስልጠና ባደረጉበት የፋርማሲ ሙያ በመስራት በይበልጥም በስደት የሚኖረውን ኢትዮጵያዊ ወገናቸውን ሲረዱና ሲያገለግሉ ቆይተዋል በየመን ሃገር አዳዲስ ስደተኞችን በመቀበል ፣ ጉዳያቸውን ተከታትሎ በማስጨረስ ፣ ቤት የተቸገሩትን በማስጠጋት ፣ የገንዘብ ችግር ያለባቸውን በገንዘብ በመርዳት ፣ በደግነታቸውና በርህራሄያቸው ወገን የሚኮራባቸው ታላቅ ተግባር የፈጸሙ ኢትዮጵያዊ ነበሩ::

ከ1991 ዓ.ም ህይወታቸው እስካለፈችበት ዕለት ድረስ በካናዳ ቶሮንቶ በግል ስራ ሲተዳደሩ ኖረዋል:: በ1993 ዓ.ም ከባለቤታቸው ከወ/ሮ ፍሬህይወት ምትኩ ጋር ትዳር መስርተው ሶስት ወንድ ልጆችን አፍርተዋል::

በካናዳ ኑሮአቸው የስደት ኢትዮጵያዊ ወገኖቻቸው ተባብረን በመረዳዳት እንድንኖር በርካታ ማህበራትን የመሰርቱ፣ በበርካታ ማህበራት በተለያዩ ደረጃዎች ኢትዮጵያዊ ወገናቸውን የረዱና ያገለገሉ ነበር::
አቶ ነጋዬ ሺበሺ
– በቶሮንቶ የኢትዮጵያውያን መረዳጃ ዕድር ለረጅም ዓመታት ዕድሩ በመደባቸው በርካታ ኮሚቴዎች ውስጥ በማገልገልና ላለፉት ሶስት ዓመታት ደግሞ የዕድሩ ፕሬዚዳንት በመሆን
– በኢትዮጵያ ማህበር አባልና ማህበሩ በሚፈልጋቸው የተለያዩ ኮሚቴዎች ውስጥ በመሳተፍ ከፍተኛ ተግባር የፈጸሙ
– የኢትዮጵያ ኦርቶዶክስ ቅድስት ማርያም ቤተክርስቲያን አባል ምዕመን
– ህብረት የኢትዮጵያውን መረዳጃ ዕድር በቶሮንቶ ሲቋቋም የዕድሩ መስራች ጓደኞቻቸው ባደረጉላቸው ጥሪ መሰረት በምስረታው ዕለት በመገኘት የዕድሩ መሰረት እንዲጣል ከፍተኛ እገዛ ያደረጉ
– በትውልድ ቀያቸው ከልጅነት ጀምሮ አብረዋቸው ካደጉትና በስደት ተመልሰው ካገኟቸው የመርካቶ ሰፈር ልጆች ጋር በጋራና በህብረት ለመረዳዳት የመርካቶ ማህበርን በማቋቋም በተለያዩ የኮሚቴ ሃላፊነቶችና የማህበሩ ፕሬዚዳንት በመሆን አገልግለዋል::

በቶሮንቶ የኢትዮጵያውያን መረዳጃ ዕድር ፕሬዚዳንት ሆነው እያገለገሉ በነበሩበት ባለፉት ሶስት ዓመታት ሃዘን ለደረሰባቸው ቤተሰቦች ቀድሞ ደራሽና አጽናኝ ፣ ለዕድሩ የሚያስፈልገውን ተግባር በቀዳሚነት የሚፈጽሙ ፣ ስራን ለነገ የማያውሉ ፈጣን የስራ ሰው፣ የታመመን ጠያቂ፣ ለተቸገረ ለጋሽ፣ በወገኖቻቸው ላይ የሚደርስ በደል እጅግ የሚያንገበግባቸው ኢትዮጵያዊ ነበሩ:: ከዚህም በተጨማሪ የኢትዮጵያ ማህበር በቶሮንቶና አካባቢው በተለያዩ ጊዜያት የገጠሙትን ችግሮች ለማቃለል በተደረገው ጥረት ከመሰል ወገኖቻቸው ጋር በመሆን ውጤት ያለው ተግባር ካስመዘገቡት መሃከል አቶ ነጋዬ ሺበሺም አንዱ ነበሩ:: ወጣቶችና ታዳጊዎች በዕድራችን ተሳታፊ ሆነው ባህላቸውን እንዲያውቁና ለወደፊትም ዕድራቸውን እንዲረከቡ ትልቅ ራዕይ ነበራቸው ይህንንም ምኞታቸውን የስራ አስኪያጅ ኮሚቴው በእግዚአብሄር ፈቃድ ለመፈጸም ማንኛውንም ጥረት ያደርጋል::

አቶ ነጋዬ ሺበሺ ቤተሰብ ወዳድ ፣ ቤታቸውን አክባሪ ፣ የህብረተሰቡ አስተባባሪና መካሪ ፣ ለሁሉ ታዛዥ ፣ በችግር ጊዜ ለማንም ፈጥኖ ደራሽ ደግ ሰው ነበሩ:: ዛሬ በቶሮንቶ የሚንኖር መላው የኢትዮጵያ ህብረተሰብ አንድ ታላቅ ሰው አጥተናል
ነጋዬ ሺበሺ ለህብረተሰብ የሚደረግ ግልጋሎት ወሮታው ዕድሜ መስሎን ነበር ዛሬ ግን እንባ ብቻ መሆኑን አረጋግጠናል:: የኢትዮጵያ መረዳጃ ዕድር ለአቶ ነጋዬ ሺበሺ ባለቤት ፣ ለልጆቻቸው ፣ ለወንድሞቻቸው . ለእህቶቻቸውና ጓደኞቻቸው ደጉ ፈጣሪያችን መጽናናትን እንዲሰጣቸው እንጸልያለን::

ሃያሉ እግዚአብሄር ደግነትህንና ድካምህን ያውቃልና በገነት ያኑርህ::


Leave a Reply

Your email address will not be published. Required fields are marked *

*

Comment validation by @

 
Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu
Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu