Logo

Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu
ad ad ad ad ad

Breaking News, Ethiopian

ታላቅ የኢሳት የገንዘብ ማሰባሰቢያና መዝናኛ ምሽት በቶሮንቶ ተካሄደ

Published Posted on by | By TZTA News

ታላቅ የኢሳት የገንዘብ ማሰባሰቢያና መዝናኛ ምሽት በቶሮንቶ ተካሄደ


      እሁድ ኦክቶበር 13 ቀን 2013 ዓ.ም. ከተማ በ1573 ብሉር ስትሪት ዌስት በሊቱራን አዳራሽ ከምሽቱ 6፡00 ሰዓት ጀምሮ ታላቅ የኢሳት የገንዘብ ማሰባሰቢያና መዝናኛ ምሽት ተካሂዷል። በዚህ እለት ዶ/ር ብርሃኑ ነጋ የግንቦት ሰባት ፓርቲ ፕሬዘዳንትና እንዲሁም ጋዜጠኛና የስብዓዊ መብት ተሟጓች አቶ አበበ ገላው በክብር እንግድነት ተገኝተዋል። እነኚህ እንግዶች ወደ ቶሮንቶ የመጡት ዓርብ ኦክቶበር 11 ቀን 2013 ዓ.ም. ሲሆን ልዩ የሥራ ጉብኝት አድርገዋል፣ ከተለያዩ የካናዳ ፓርላማ አባላት ጋር ተነጋግረዋል።
እንዲሁም ለዚህ ታላቅ ምሽት አርቲስት አብዱር ከየርና እንዲሁም ስብሰብ በሉ በሙዚቃና የባህል ውዝዋዜ ከዲጄ ዳኒ ጋር በመሆን ክምሽቱ 6፡00 ጀምሮ እስከ ጠዋቱ 3፡00 ሰዓት የተሰበሰበውን ታዳሚ አዝናንተዋል፣ አስደስተዋል። ለዚህ ምሽት የተዘጋጀው ትኬት በሙሉ ሲሽጥ በስብሰባው አዳራሽ የመጣው ኢትዮጵያውያን በሰዓቱ ተገኝቷል፣ ስለሆነም ፈንድ ሬዚንጉ የተሳካ ሆኗል። በስብሰባው ላይ በከፍተኛ ደረጃ ኢትዮጵያዊነት ተንጸባርቋል። አዳራሹ በመጥበቡ ሙሉውን ምሽት አብዛኛውን ሰው ቦታ ሳያገኝ ነገር ግን በመጣበብ በመስማማትና በመተባበር በኢትዮጵያዊ ጨዋነቱ አሳልፏል። ስብሠባው የተሳካ ሆኗል።
በዚህ እለት የክብር እንግዶቹ ጠቅለል ባለ ሁኔታ በኢትዮጵያ ውስጥ አሁን የሚፈለገው ተመሳሳይ ለሆነው ለአንድ ዓላማ ሃይልን ማሰባሰብ፣ የዲሞክራሲ ተቋማትን መገንባትና በልዩነት ተቻችሎ ለአንድነት መቆም አስፈላጊ መሆኑን በሚገባ ዘርዝረው ለቤቱ ዘክረዋል። (በሚቀጥለው እትም ሰፋ ያለ ዘገባ እንደአስፈላጊነቱ እናቀርባለን።)
ኦክቶበር 14 ቀን 2013 በሚቀጥለው ቀን በካናዳ የታንክ ጊቪንግ ዴይ ስለነበረ ስለ ግንቦት 7 ከፍተኛ የጥያቄና መልስ ጊዚያት ተዘጋጅቶ ብዙ ኢትዮጵያውያን በመምጣት የውይይት ተካፋይ ሆነዋል። ። በዚህ እለትም እንግዶቹ ለተሰብሳቢው ስለ ግንቦት ሰባት በቂ ግንዛቤ እንዲያገኙ ተደርጓል። ብዙ ጥያቄዎች ተነስተው እንግዶቹ በቂ ማብራሪያና መልስ ሰጥተዋል። አብዛኛውን ሰው እርክቷል፣ ስብስባውም በሰላምና በተሳካ ሁኔታ ተከናውኗል።
በቶሮንቶ የኢሳት አሰባሳቢ ድጋፍ ኮሚቲ ለክብር እንግዶች፣ በቶሮንቶ ከተማ ለዚሁ ብላችሁ አብራችሁ ያምሻችሁ ኢትዮጵያውያን፣ ለጥያቄና መልስ ለተስተፋችሁ እንዲሁም ከብፋሎ፣ ከኦታው፣ ከኪችነረና ሃሚልተን በተጨማሪም ለትዝታ ጋዜጣ የከበረ ምስጋናውን ያቀርባል።


Leave a Reply

Your email address will not be published. Required fields are marked *

*

Comment validation by @

 
Logo
Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu
Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu