Logo

Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu
ad ad ad ad ad

Amharic News, Breaking News Amharic, Ethiopian

በተከሰሱ ሙሊሞች ላይ ከ7 – 22 አመት በመፍረድ የችሎቱ ድራማ ተጠናቀቀ (የድምጻችን ይሰማ መልዕክት አለን)

Published Posted on by | By TZTA News
Warning: getimagesize(): http:// wrapper is disabled in the server configuration by allow_url_fopen=0 in /hermes/bosnaweb08a/b1516/nf.tzta/public_html/wp-content/themes/tzta/content-single.php on line 46 Warning: getimagesize(http://www.tzta.ca/wp-content/uploads/2015/08/Ethiopian-Muslim-committee.jpg): failed to open stream: no suitable wrapper could be found in /hermes/bosnaweb08a/b1516/nf.tzta/public_html/wp-content/themes/tzta/content-single.php on line 46

በተከሰሱ ሙሊሞች ላይ ከ7 – 22 አመት በመፍረድ የችሎቱ ድራማ ተጠናቀቀ (የድምጻችን ይሰማ መልዕክት አለን)

Ethiopian Muslim Resolution committee

(ኢ.ኤም.ኤፍ) በኢትዮጵያ የሙስሊሙ ህብረተሰብ ያቀረባቸውን ጥያቄዎች፤ በአግባቡ ለመንግስት ማቅረብ እንዲቻል፤ የሙስሊሙ መፍትሄ አፈላላጊ ኮሚቴ መቋቋሙ ይታወሳል። ይኸው ኮሚቴ ስራውን ለመጀመር በዝግጅት ላይ እያለ፤ ሙስሊሙ የመረጣቸው እነዚህ 18 የኮሚቴ አባላት አንድ በአንድ እየታሰሩ ወደ እስር ቤት ተወረወሩ። ጥቂት ቆይቶም እነዚህኑ የኮሚቴ አባላት “አሸባሪዎች” በሚል አቃቤ ህግ ክስ ሲመሰርትባቸው፤ ብዙዎች “እንዴት ሊሆን ይችላል?” ሲሉ ተገርመው ነበር። የፍርድ ቤቱ ድራማ ቀጥሎ ከቆየ በኋላ፤ ዛሬ ሰኞ ሐምሌ 27/2007 ፍጻሜ ላይ ደርሷል። በሁሉም አባላት ላይ ከ 7 – 22 አመት እስራት ተበይኖባቸዋል።

በዚህም መሠረት አቡበከር አህመድ፣ አህመዲን ጀበል፣ ያሲን ኑሩ እና ካሚል ሸምሱ የ22 ዓመት፣ በድሩ ሑሴን፣ ሷቢር ይርጉ፣ ሙሀመድ አባተ፣ አቡበከር ዓለሙ እና ሙኒር ሑሴን የ18 ዓመት፣ ሸኽ መከተ፣ አህመድ ሙስጠፋ፣ ሰዒድ ዓሊ፣ ሙባረክ አደም እና ካሊድ ኢብራሂም 15 ዓመት፣ ኑሩ ቱርኪ፣ ባሕሩ ዑመር፣ ዩሱፍ ጌታቸው እና ሙራድ ሽኩር 7 ዓመት እስራት ተፈርዶባቸዋል፡፡

አሁን የሙስሊሙ ድምጽ ልሳን በመሆን የሚያገለግለው ድምጻችን ይሰማ እንደገለጸው ከሆነ፤ “የቅጣት ፍርዱ ሲነበብ ሁሉም ተክቢራ ይሉ ነበር! ይህ አሳዛኝ ፍርድ ያገጠጠ ኢ-ፍትሐዊነት መሆኑን ውሳኔውን ያስተላለፉት የመንግስት ባለስልጣናት እና ድራማውን የተወኑት አቃቤ ሕግጋት እና ዳኞች እንኳን ሳይቀር ያውቁታል፡፡ ለዓመታት ሰላማዊ ትግሉን ቀጥሎ ያለው ሕዝበ ሙስሊም እና አጋርነቱን የገለጸው መላው ኢትዮጵያዊም ያውቀዋል፡፡ የበለጠ እንታገል ዘንድ የሚያነሳሳ ምክንያት እንጂ ከትግል የሚያርቅ ሰበብ አለመሆኑም ሳይታለም የተፈታ ነው፡፡” ብሏል።

እንደእውነቱ ከሆነ ሰላማዊ ትግልን በግፍ የእስር ፍርድ ማስቆም ቢቻል ኖሮ የደቡብ አፍሪካው አፓርታይድ ባልተገረሠሠ ነበር! ማንዴላ የትግል መሪ እንጂ ትግሉ ራሱ ባለመሆናቸው ‹‹አሸባሪ›› ተብለው ቢታሰሩም ትግሉን ከስኬት ደጃፍ ከመድረስ አላገደውም፡፡ የሰው ልጅ ታሪክ የሚያስተምረን አንድን የማይቋረጥ ዑደት ነው፤ አምባገነኖች ይጨቁናሉ…. ሕዝብ ጭቆናውን ይቃወማል…. ሕዝብ ጭቆናውን ይታገላል… ሕዝብ ትግሉን ያቆም ዘንድ አምባገነኖች ያስራሉ፣ ይገድላሉ፣ ይገርፋሉ… በመጨረሻም ሕዝብ ድል ያገኛል! ሌላ ዑደት የለም!

ድምጻችን ይሰማ ባስተላለፈው መልክት መሰረት፤ “ወኪሎቻችን ላይ የተሰጠው ፍርድ ሁሉም የጠበቀው እንደመሆኑ ትግላችንን እንደምንቀጥል ከመግለጽ ያለፈ አዲስ መግለጫ አይኖረንም! ከፊታችን ያለው ረዥም ትግል ነው! ለዚህ ትግል ሊኖረን የሚገባው ዝግጁነት በዒድ እለት በተላለፈው መግለጫ ውስጥ በሰፈሩት የሚከተሉት 6 ነጥቦች ተጠቃሏል፡፡ ነጥቦቹ የሚከተሉት ናቸው፡፡” በማለት ከዚህ የሚከተሉትን ነጥቦች ሙስሊሙ ህብረቴብ እንዲከተል አሳስበዋል።


Leave a Reply

Your email address will not be published. Required fields are marked *


*

Comment validation by @

 
Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu
Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu