Logo

Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu
ad ad ad ad ad

Amharic News, Breaking News Amharic, Ethiopian

በመስቀል አደባባይ የተፈጸመውን የሽብር ጥቃት አስመልክቶ ከህጋዊው ቅዱስ ሲኖዶስ የተሰጠ መግለጫ

Published Posted on by | By TZTA News

በመስቀል አደባባይ የተፈጸመውን የሽብር ጥቃት አስመልክቶ ከህጋዊው ቅዱስ ሲኖዶስ የተሰጠ መግለጫ

Spread the love

Posted by: ecadforum June 24, 2018
ዜና » በመስቀል አደባባይ የተፈጸመውን የሽብር ጥቃት አስመልክቶ ከህጋዊው ቅዱስ ሲኖዶስ የተሰጠ መግለጫ
His Holiness Patriarch Abune Merkorios

ብፁዕ ወቅዱስ አቡነ መርቆሬዎስ ፓትርያርክ ርእሰ ሊቃነ ጳጳሳት ዘኢትዮጵያ

በብፁዕ ወቅዱስ አቡነ መርቆሬዎስ ፓትርያርክ ርእሰ ሊቃነ ጳጳሳት ዘኢትዮጵያ ከሚመራው በስደት ላይ ከሚገኘው ከሕጋዊው የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ሰኔ 16/2010 የተሰጠ መግለጫ

በስመ አብ ወወልድ ወመንፈስ ቅዱስ አሐዱ አምላክ አሜን

በዛሬው ዕለት በሀገራችን ኢትዮጵያ ሕዝብ ዘንድ እየታየ ያለው ደስታ መቸውንም ታይቶና ተሰምቶ የማይታወቅ፤ ወደፊትም ይሆናል ተብሎ የማይገመት ነገር ግን በእውነት እግዚአብሔር ሕዝቡን የጎበኘበት ለኢትዮጵያውያን ትልቅ ቀን ነው።መሪው የሚመራውን ሕዝብ ወዶና አፍቅሮ ልቡን ለሕዝቡ ያስረከበበት ፤ ተመሪው ሕዝብም መሪውን እንደ ገዥ ሳይሆን እንደ ወላጅ አባት ያየበት ታላቅ ቀን ዕለተ ቀዳሚት ሰኔ 16 /2010።

በአዲስ አበባ መስቀል አደባባይና በመላው አገራችን ክፍለ ከተማዎች እየታየ ያለው የሕዝብ አንድነትና ፍቅር፤ እንዲሁም ለመሪያቸው የሚያቀርቡት ድጋፍ ጠቅላይ ምኒስተር ዶክተር አቢይ አህመድንና ለዚህ ለውጥ ተግተው ለሚሠሩ ባልደረቦቻቸውን የበለጠ ከሚመሩት ሕዝብ ጋር ልብ ለልብ የሚአስተሳስራቸው ይሆናል።
እንዲሁም እግዚአብሔር አምላክ ጠቅላይ ምኒስተር ዶክተር አቢይ አህመድን መሣሪያ አድርጎ ሀገራችን ኢትዮጵያን ለዘመናት ከኖረችበት የግድያና የምቀኝነት ጨለማ አውጥቶ የፍቅርና የአብሮነት ሸማ አልብሷታል። ለዚህም እግዚአብሔርን እማመሰግናለን። በመቀጠልም ሕጋዊው ቅዱስ ሲኖዶስ ጠቅላይ ኒስተር አቢይ አህመድንና መንግስታቸውን ከልብ ይደግፋል። የሚሠሩት ሥራ ሁሉ የተቃና እንዲሆን ከልብ ይጸልያል። በመስቀል አደባባይና በተለያዩ ከተማዎች ለጠቅላይ ምኒስተር ዶክተር አቢይ አክብሮቱንና አጋርነቱ ከለገሠው የኢትዮጵያ ሕዝብ ጋር ሕጋዊው ቅዱስ ሲኖዶስ አክብሮቱንና አጋርነቱን እየለገሠ ይገኛል።

በመጨረሻም በሀገራችን ሕዝብ ዘንድ እየታየ ያለው ፍቅርና አንድነት የማያስደስታቸውና እኩይ ተግባር የተጠናወታቸው ክፉዎች የዚህን ታላቅ ሕዝብና ታላቅ መሪ አላማና የኢትዮጵያን ትንሣኤ ለማደናቀፍ በመስቀል አደባባይ ያደረሱትን የቦብ ማፈንዳት ጥቃት ቅዱስ ሲኖዶስ በጽኑዕ ያወግዛል።በኢትዮጵያ ውስጥ የሚገኙ የተለያዩ የእምነት ተቅዋማት መሪዎችም ይህን እኩይ ተግባር ሊያወግዙት ይገባል እንላለን ። የኢትዮጵያ ሕዝብም ክፉዎችን ከመካከሉ ለይቶ በማውጣት ለፍርድ እንዲያቀርባቸው ቅዱስ ሲኖዶስ ጥሪውን ያስተላልፋል።

በዚህ ዕለት በጥቃቱ ለሞቱ ወገኖቻችን ከልብ እያዘን እግዚአብሔር እረፍተ ነፍስ እንዲሰጣቸው፣በአካል ለተጎዱት እግዚአብሔር እንዲያድንልን እንጸልያለን። ለተጎዱ ቤተ ሰቦችም መጽናናቱን እንዲሰጥልን የአምላካችን ፈቃድ ይሁን።

እግዚአብሔር አምላክ ኢትዮጵያን ይጠብቅልን !!!

Abba Michael Archbishop
Vice Secretary of the Holy Synod


Leave a Reply

Your email address will not be published. Required fields are marked *

*

Comment validation by @

 
Logo
Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu
Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu