Logo

Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu
ad ad ad ad ad

Amharic News, Breaking News, Breaking News Amharic, Ethiopian

አብዲ ኢሌ ከስልጣኑ ወረደ

Published Posted on by | By TZTA News

አብዲ ኢሌ ከስልጣኑ ወረደ

Spread the love

የጅጅጋውን እልቂት ከመዘገብ ተቆጥበው የነበሩትና በዚህም ከፍተኛ ተቃውሞ ሲደርስባቸው የነበሩት የመንግስት ሚዲያዎች በመጨረሻም የጅጅጋውን ጉዳይ ምዘገብ ጀምረዋል:: ዛሬ የመንግስት ሚዲያዎ. የሃገር መከላከያ ሰራዊት እና የፌደራል ፖሊስ ወደ ኢትዮጵያ ሶማሌ ክልል እንዲገባ መታዘዙን ዘግበዋል::

የኢፌዴሪ የመንግስት ኮሙዩኒኬሽን ጉዳዮች ጽህፈት ቤት በሰጠው መግለጫ፥ የክልሉ መንግስት ባቀረበው ጥያቄ መሰረት የፀጥታ ሃይሉ ወደ ክልሉ ገብቶ ሰላም የማስከበር ስራውን እንዲሰራ መታዘዙን አስታውቋል።

በዚህም መሰረት ከዛሬ ጀምሮ ፀጥታ የማስከበር ስራ እንደሚጀምር የመንግስት ኮሙዩኒኬሽን ጉዳዮች ጽህፈት ቤት ሃላፊ ሚኒስትር አቶ አህመድ ሺዴ ተናግረዋል።
የመንግስት ቃል አቀባይ አቶ አህመድ ሺዴ፣ የፌድራል መንግስት ጣልቃ እንዲገባ የተጋበዘው ጥቂት የክልሉ መሪዎች ከስልጣን እንነሳለን በሚል ፍርሃት አንቀፅ 39ን በመጥቀስ የሀገር ዕዋላዊነትን አዳጋ ላይ በመጣላቸው መሆኑን ተናግረዋል።

“የዱርየነት” ተግባር ፈፅመዋል ያሏቸው መሪዎች ክልሉን የማስተዳደር አቅም እንደሌላቸውም ተናግረዋል። ፈፅመዋል ያሏቸውን ወንጀሎችም ዘርዝረዋል።
የክልሉ ልዩ ሀይልን በማንቀሳቀስ ወደ ሀረርና ጅቡቲ የሚወስዱትን መንገዶች መዝጋታቸውንና በህይወትና በንብረት ላይ ጉዳት ማድረሳቸውን ገልፀዋል።

3ኛ ቀኑን በያዘው የጅጅጋ ሁከት ዛሬም ተኩስ ሲሰማ የዋለ ሲሆን በመጨረሻም የክልሉ ፕሬዚዳንት አብዲ ኢሌ ሥልጣኑን ስልጣኑን ማስረከቡ ታውቋል::

በአሁኑ ወቅት ጅጅጋ በመከላከያና በፌዴራል ቁጥጥር ስር የምትገኝ ሲሆን የማረጋጋት ሥራ እየሠሩ እንደሚገኝም ከደረሰን ዜና ለመረዳት ችለናል::

አብዲ ኢሌ በመጨረሻ ሥልጣኑን ለመልቀቅ ከተስማማ በኋላ በግዜያዊነት የተካው አህመድ አብዲ እንደሆነ ታውቋል::

መከላከያ በሱማሌውና ሱማሌ ባልሆነው የጅግጅጋ ነዋሪ መካከል ግጭት እንዳይፈጠር የመከላከል ሥራ እየሠራ መሆኑን እንዲሁም ልዩ ፖሊሶች የለቀቁትን ቦታዎች እየተቆጣጠረ መሆኑን እየተነገረ ሲሆን የልዩ ፖሊስ ኃይሎች ወደ ካምፓቸው ተመልሰዋል፡፡

ወደ ጅግጅጋ ብዙ ሄሊኮፕተሮችና እንድሁም ሌሎች የጦር መኪኖች መጓጓዛቸውም ተዘግቧል::

አብዲ ኢሌ በሂሊኮፕተር ወደ አዲስ አበባ መወሰዱ ቢዘገብም ከገለልተኛ ወገን አልተጣራም::

አሁን ወደ ስቱዲዮ እየገባን ባለንበት ወቅት በደረሰን መረጃ በጅጅጋ የአብዲ ኢሌ ደጀን ሆኖ ሕዝቡን ሲያዘርፍና አብሮ ሲዘርፍ የነበረው የክክሉ ልዩ ሃይል ትጥቅ እየፈታ ነው::

በሌላ በኩል ቢቢሲ የሚከተለውን ዘግቧል:-
የኢትዮጵያ ሶማሌ ክልል ፕሬዝድንት የነበሩት አብዲ ሞሃመድ ኡመር ከስልጣናቸው መነሳታቸውን የክልሉ የኮሚኒኬሽን ቢሮ ሃላፊው ኢድሪስ ኢስማኤል ለቢቢሲ ሶማልኛ አረጋግጠዋል።
ከኢድሪስ ኢስማኤል መረዳት እንደተቻለው፤ አብዲ ሞሃመድ ኡመር ከክልሉ ፕሬዝደንትነታቸው ይነሱ እንጂ የኢትዮጵያ ሶማሌ ህዝቦች ዴሞክራሲያዊ ፓርቲ መሪ ሆነው ይቆያሉ ብለዋል።
ኢድሪስ ኢስማኤል ጨምረው እንደተናገሩት አህመድ አብዲ ሞሃመድ የቀድሞውን ፕሬዝደንት በመተካት ተሹመዋል።


Leave a Reply

Your email address will not be published. Required fields are marked *

*

Comment validation by @

 
Logo
Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu
Webmaster Savas Can Altun Teknoloji Bilgisayar Google s4v4s ASk Question Webmaster Sitesi Webmaster Forumu